Žemaičiai | 2013-01-08 09:02 | Autorius:
Versija spausdinimui

BEBRĀ(0)

Plaukė lydeka nomėi supykusi – ūkininks Petros pavasariou roušas: vėsas srotas iš sava kūtės i opali nuleida, vo da tėi bėbrā… Išplauki iš numū rytmetie, vėskas kap vėsumet, gali plauktė  kor nuori, vondou sau laisva tek, vo parplauki vakarė i veizi, ka jau dėdžiausi užplūska stuov. Bėbrā ano didžiuojės, vo žuvims kor dingt? I kėta posė parplauktė negali, vo čė tik i lauk, kol kuoks plėšrūns pagrebs. Nuors kartās gal i geriau būt sujiestā, nego tuokiamė vundinie plaukiuotė…
Tep pat i šėndien bėbrā darboujes, jau kū ne vėsa opė užmūrėjė. Priplaukė lydeka artiau i mata, ka kū ne pri pat kronta, unt berža tuošės, kažėn kas parašyta. Veiz – laišks:
Miels žmuogau,
Raša tavėi bėbros Aloyzos. Gyveno pri opės, sava medinie trobuo, katron puonėškā vadėno vilo. Ana yra triju aukštu i su vaizdo i vondens telkini, kap tėkra valdininka. Šēp eso kāp i vėsė bėbrā, dėrbo medė apdėrbėma imuonie, vo laisvo laiko miegsto žvejuotė. Dar toro ižimybė pusbruoli, katrū, tėkriausē, matiet duntū pastas reklamuo – anou mes dėdelē dėdžioujamies. Be tuo, kad i kuoks gers mona  gyvenėms, toro vėina nuora – nuoro būtė kāp jūs – žmuonis. Tuoliau pateikso kelis pavyzdius, dėl kuo toro tuoki nuora.
Pėrmo, mon dėdelē patink dėl tuo, kad žmuogos yr tuoks galings. Mes mėgėnuom su žmuonimis kuovuotė, medius ruoviem, balkius tėmpiem. Nu darba dūntis bėrst. I vėskas tik tam, kad kū dėdesnė užplūska pastatytomėm. Pastatiem. Vo jau anuos tvėrtoms! Juoks vondens lašielis neprasisunk. Bet kor tau, pastoviejė mūsa užplūska savaitėlė  kėta. Atejė  ūkininks Petros kėrvio nešėns, i pu mūsa užplūskas. Vo  jeigo mes, bėbrā, tokėi galingė būtomem, ta nueitomem i nugriautomem tuo patėis Petra  kūtė, iš katruos i mūs opali atitek vėsokiausė nešvaroma, tumet žūst mūsa žuvis, vo i bėbru kaile nustuo  poikē  blėzgiejė.
Dar mon dėdelē žmuonis patink dėl tuo, kad anėi yr neskūpė. Mes, bėbrā, ta tėkrā tokėj nesam. Kor tik kūn rondam, tempam i sava orva vėsokiausės šakas i šēp dāktus, katrėi mums atruoda reikalingė. Vo jūs, žmuonis, dėdelē duosnė dalėjaties su mumis vėskou, kuo tik jums nebrēk. Šėtā vakar, gryždams nomėi, pri sava mylimiausė  beržele radau televizuorio. Gaila, kad pas mumis dar elektras neyvėdė, vo ta vėiziečiuo… Negailaties mums ni botelku, plastikiniu maišieliu… Ka plastėkėnės truobas pasistatysem, gal i kirvis neiveiks.
Vo už vėskūn daugiau žmuogo noriečiuo būtė dėl tuo, kad galiečiuo pats regolioutė metu  laikus. Kap sopratau, jums daugiausē patink rodou. Bėbrams tuoks uors irgi tynk. Tumet neužšalusi opės. Mes galem laisvā sau plaukiuotė, žuvis gaudytė i be rupiesniu gyventė, nebijuodamė, kad galvo trėnksemuos i leda. Ka šėltā, mums daug lėngviau griaužėt medius – galem nebijuotė, kad dūntis prišals.  Bebrā dėdelē panašė i žmuonis.
Dėl tuo rašau, tau, žmuogau, ka tėkous patarėmu, kāp mums sava jiegas suvienytė. Kor to so pjūklo neprieisi, aš priplaukės nupjauso. Ta suguldytomem žalė mėška.
Tava draugs  bebros  Aloyzos
Parskaitiusi lig gala, lydeka vėsā nusymėnė: nebie Lietuvuo gyvenėma.

Ondžatė Jolėjė

Tags:
  • Dalintis
  • Facebook
  • Twitter
Griežtai draudžiama santarvė.lt paskelbtą informaciją kopijuoti ir platinti kitose interneto svetainėse, tradicinėse žiniasklaidos priemonėse ar kitaip ją naudoti neturint raštiško leidėjų sutikimo. Turinio naudojimo taisyklės.

Paskutiniai komentaraivisi komentarai

Nėra komentarų. Būk pirmas parašęs!

Tavo komentaras

*

Už šmeižiančius, asmens garbę ir orumą įžeidžiančius, tautinę ar kitokią neapykantą skatinančius komentarus tiesiogiai ir individualiai atsako juos paskelbę skaitytojai, kurie įstatymų nustatyta tvarka gali būti patraukti baudžiamojon, administracinėn ar civilinėn atsakomybėn.

Informuojame, kad parašius komentarą būtina įvesti saugos kodą, kuris pateikiamas ryškesnėmis raidėmis. santarvė.lt pasilieka teisę šalinti skaitytojų komentarus, nesusijusius su straipsnio tema, įžeidžiančius bei šmeižiančius asmenis arba reklamuojančius komercines organizacijas.

Naujienos iš interneto

traffix.lt
Populiariausios paieškos frazės: avarija, Buy, Cheap, futbolas, gaisras, konkursas, krepšinis, nuomonė, nuomonės, Online, orai, Order, paroda, Pills, policija, Purchase, savaitės tema, Seda, Seimas, skaitytojo naujiena, smurtas, sveikata, vagystė, Viekšniai, šisbeitauskas. reklama, Mažeikiai, Mažeikių rajonas, mazeikiuose, santarve, mokinių registras, tatuiruotes, medaus kaina, mazeikiu darbo birza, auksinis usas, mažeikiuose, kalediniai papuosimai, mano sparnai, parkinsono liga, tattoo ant rankos, amandas paulauskas, vytautas lalasstorosios zarnos vezys, danieliaiskydliaukes vezys, filomena taunytė, logopedai, pieno tyrimai zemaitijos pienas, biodujos.