A yr tuoks reiškinys – žemaitiu vėinybė?
A tor prasmė žemaitiu sėikėms išlaikytė savitoma, a ta yr vakū žaidėma, kap pasakyto„pruotingė“ žmuonis?
Kumet patem ateje susivuokėms?
BUNKA Eugenėjos –
žornalists:
– Tas ī tik pliorpals. Ī žemaitiu karaktuorius. Anōn žemaitēpaveldiejė ėš pruotieviu, bet baig nuzorduotė. Jēgo atmins, ka rēkvėskōn, kon buočē palėka geriausė, sauguotė, parēs nomėi ė veinībė.Līgē tēp pat, kāp ana gal parētė ėr i vėsus kėtus nomus.
Žėnuomā, ka ī. Tiktā tas savitoms tor būtė gražos ė svarbos vėsims,na tik žemaitems.
Tėkriausē tumet, kumet suvuožuojau, ka sauguodams sena, galiatrastė daug naujė.
GRĖCIOS Gyntars –
Žemaitiu kultūras draugėjės Mažėikiu skyriaus pyrminynks:
– Žemaitiu vėinybė – gers jausmos, katrū pajūnti vėsokiausiuos sėtuacijuos, pėrmiausiaa dėrbdams so žemaitėška veikla sosėjusius darbus. Daug žmuoniū gal sokvėistė pu žemaitiu vieliava. I jokiuos politikas, juokė toštė politikavėma. Tik dėrbkem, organizoukem, tvarkykem– veikluos yr tėik ka visyms nuorintyms ėlgam užteks. Svarbo neužsijymtė niekaas i nikumet nesusipriešintė. Žemaitee kaap žydaa – daug kūn iš paveiziejėma lig i ontreep dėrb, bet teep tik atruoda…
Dėdžioujous Žemaitėjės žmuonymis, dėdžioujous ka esu žemaitis. Sauguokem i myliekem sava Žemaitėjė. Lietovaa nu tuo bus tik geriau.
KASPERAVYČIOS Stanisluovs
– Žemaitiu kultūras draugėjės pyrminynks:
– Žemaitiu vėinybė supronto kap mūsa darbus Žemaitėje. Daba nuorės sutelktė vėsus pri Žemaitėjės hymna kūrėma… Čė torem vėsė sutėlptė: surynkem myntis katruos torietom būtė i hymna sudietas, vu žuodius sueilioutė yr kam, mozėka parašytė gal Zvonkos sotėks, nes anuo mama Zvonkuvienė Janina vėsa omžio bova i tebier garsi žemaitė.
Miceika Ruoms stata žemaitiu pili tarp Varniu i Tveru, netuolėi istuorėnės Vykinta pilėis i netuolėi garsiojo Luopatiu piliakalnė. Yr žmuogos su sava idiejė yr i pasekieju.
Vės daugiau žmonių jem nauduotė Žemaitėjės simbuolius: vieliavas, pasus. I tamė matau dėdelė prasmė žemaitiu vėinybės i tapatoma išsaugėjėme.
Atsirada Mažėikiu skyriou aktyviū žmoniū – pasimatė judiejėms. Planoujem i generuolou Plechavičiou didiesni akmėni pastatytė – bus didiesnis atmėnėma žėnklos.
Atsirada laikraštie „Santarvė“ aktyviesniu žmonių, katryms svarbos žemaitiu savėtoma išlėkėms –yr pruojekts „Žemaitee esam“ Čė irgi matau žemaitiu vėinybės žėnkla.
Vu pavuojos Žemaitėje een nu Klaipiedas posės: Skarbalios ikūrė Žemaitiu partėjė, katra netor juokė ryšė su Žemaitiu kultūras draugėjė, svastikas žėnklos kėšams i pryšaki (pruotyngs žmuogos žėna kūn ons reišk, bet da per mažaa laika nu kara ka lengva ronka anū nauduotomem), bereikalinga kelams karalystės klausėms…
Žemaitėšks judiejėms nemėrs. Uns sveeks i gyvybings. Pėlna Lietova žemaitėškoma saugontiu žmuoniū.
