Muziejuje senų nuotraukų paroda „Ne tik ta Vėnta žemaitiou švėnta“

Lačo malunas Krakiuose. Nuotr. iš Mažeikių muziejaus archyvo fondų

Mažeikių muziejuje veikia senų fotografijų paroda iš ciklo „Lietuvos muziejų kelias“.
Nuotraukose, darytose prieš aštuoniasdešimt ir daugiau metų, įamžintos akimirkos prie mūsų rajono vandens telkinių. Ekspozicijoje – per trisdešimt nuotraukų iš muziejaus fondų.
Apie parodos idėją ir temą pasakoja Mažeikių muziejaus vyriausiasis muziejininkas Vytautas RAMANAUSKAS.

– 2012 m. mėnavuojont mūsa kraštiete nu Lielaitiu Dioniza Poškas Baublių dvijų šimtų metu jubilieju, Lietuvos muzieje pradieje bėndrus rėnginius „Lietuvos muziejų kelias“ ėr tep šimet jau aštonts karts.
Šiumetėnė tema – „Lietuvos kraštovaizdžiai: vandenų kultūrinė atmintis“. Mažėikiu muziejos sumėslėjė paruodytė biški senesniu ėr mažiau senū nuotrauku su vondėnio.
Musintas didžiausis šmuots portograpiju, katruos y vondou, Mažeikiu muziejou yr Vėnta, vo noriejuos paruodyti ėr kėtus mūsu vondenis, tap ėr atsirada paruoda perfrazoujėnt žemaitiu poeta Stasi Anglicki: „Ne tik ta Vėnta žemaitiou švėnta.“
Žemaitijuo, vo ėr vėsuo Lietuvuo, ka nuorem kažku laikėna paminavuoti sakuom: „Kap šakiem ont vondens.“ Er akurat, vondou, kap ėr laiks, smėltės saujuo tek, bėrst ėr nieka su tou negali paveiktė.
Ale vondou tor puometė, palėktus znuokus. Paveiziek i platius opiu slienius, anei ledynmetė palėkėms, atmėn tus laikus, ka leda tėrpą er platiom opiem, tekieje ontrep – tolyn nu Baltėjės jūras, katruos ni nebova – tik ledyna tuo vėituo.
Tas bova dėdėle sene – priš 13–10 tūkstontiu metu. Priš puora tūkstontiu jau ne gamta, vo žmuogos pradiejė keistė paupiū vaizdus. Pradiejė kėltė piliakalne, katrū Mažeikiu pašalie bova keturiuolėka.
Kap toukart liub atruodytė paupe, nežėnuom, rasintas, apžielė kap ėr daba daruos.
Nieks neblaika givuliū, nebrek šėina, ganyklu, ir veiziek, atvažiouji kor po desietkas metieliu i kokė maudyklelė, vo ten jau vėskas užžielė, nebgali tuos vėitas ėr atskėrtė.
Vondou tek, vėskas keitas, lėikt tiktas atmėnėms aple bovosius malūnus, keltus, tėltus, lėptus, paupiūs vykusės švėntės ė darbus. Ale so ta puomete yr tep, ka tėi atmėnontėje išein i paventius, Geidžius, a kėtus kapelius karto su sava atsėmėnėmas.
Tep atmintės palėikt tik senuos portograpijuos, katras padėdėnė, kėik patvarkė Tamstuom ėr ruoduom.

Ekspoziciją Mažeikių muziejuje galima apžiūrėti iki rugsėjo 14 d.

Kanalo kasimas prie Ašvos, 1930 m. Nuotr. iš Mažeikių muziejaus archyvo fondų